II. კანონისმიერი გარანტია
1. საქონლის შეძენიდან 2 (ორი) წლის განმავლობაში თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
2. ნივთი ნაკლიანად მიიჩნევა, თუ მას გამოუვლინდება ისეთი სახის ნაკლი, რომელიც მას გაყიდვამდე შეიძლებოდა ჰქონოდა და არ არის წარმოშობილი ნივთის სარგებლობის, მათ შორის მომხმარებლის მიერ არასწორი ექსპლუატაციის, შედეგად.
3. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
4. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
-საქონლის შეკეთება ან შეცვლა შეუძლებელია;
-მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
-მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის;
5. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
6. კანონისმიერი გარანტიის მოქმედება ვრცელდება საქართველოს ტერიტორიაზე.
7. საკითხები, რომლებიც არ არის გათვალისწინებული ამ საგარანტიო პირობებში, დარეგულირდება „მომხმარებლის უფლებების დაცვის შესახებ“ საქართველოს კანონის შესაბამისად.
8. კანონისმიერი გარანტია არ ვრცელდება მეწარმე/იურიდიულ პირებზე.

III. მტკიცების ტვირთი
თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება;

IV. კომერციული გარანტია:
1. შეძენილ ნივთზე მოქმედებს მოვაჭრის მიერ შემუშავებული ინდივიდუალური საგარანტიო პირობები, რომელიც არ ზღუდავს მომხმარებლის კანონისმიერი გარანტიით დადგენილ უფლებებს;
2. კომერციული გარანტიის ფარგლებში ნივთის შეძენიდან პირველი 1 (ერთი) წლის განმავლობაში უპირობოდ ჩანაცვლდება ნაკლიანი Apple-ის ბრენდის ტელეფონი – iPhone, თუ ნაკლიანი ნივთი ვიზუალურად დაზიანებული არ იქნება. (ე.წ. „ჩანაცვლებითი გარანტია“).
*ნაკლი დადასტურებული უნდა იყოს სერვის ცენტრის დასკვნის საფუძველზე.
3. სავაჭრო ობიექტში შეძენილი ნივთი უპირობოდ ჩანაცვლდება შეძენის დღესვე, თუ ნივთს სავაჭრო ობიექტში გახსნისთანავე (ყუთიდან ამოღებისთანავე) გამოუვლინდა ვიზუალური/ხილული ნაკლი. შეძენილი ნივთის ვიზუალური მდგომარეობის შემოწმების პროცესს აუცილებელია ესწრებოდეს მოვაჭრის წარმომადგენელი.

V. შემთხვევით დაღუპვის რისკი
1. გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაღუპვის ან გაფუჭების რისკი.
2. თუ შეძენილი ნივთი მომხმარებელს უნდა გაეგზავნოს, რისკი მომხმარებელზე გადადის იმ მომენტიდან, როდესაც მომხმარებელი ან მის მიერ უფლებამოსილი მესამე პირი (გარდა გადამზიდავისა) საქონელზე ფაქტობრივ მფლობელობას მოიპოვებს.
3. თუ გაყიდულ ნივთს მომხმარებლის დავალებით გადამზიდავი აგზავნის, ნივთის გადამზიდავისთვის მიწოდების მომენტიდან ნივთის შემთხვევით დაღუპვის ან გაფუჭების რისკი მომხმარებელზე გადადის.

VI. სერვის-ცენტრის მომსახურება
1. ნივთზე ნაკლის აღმოჩენის შემთხვევაში და კანონისმიერი ან კომერციული გარანტის მისაღებად ნივთი სადიაგნოსტიკოდ უნდა გადაეცეს მოვაჭრის პარტნიორ სერვის ცენტრს.
2.სერვის ცენტრის მომსახურების ვადებია:
-დიაგნოსტირება – 3-7 სამუშაო დღე;
-ნივთის შეკეთება ან შეცვლა – 15 სამუშაო დღე, თუ შესაბამისი ნივთი ან/და შესაკეთებელი დეტალი ადგილზეა
-ნივთის შეკეთება ან შეცვლა – 40 სამუშაო დღე, თუ შესაბამისი ნივთი ან/და შესაკეთებელი დეტალის გამოწერა იქნება საჭირო უცხოეთიდა
*არ შედის შაბათ-კვირა და საქართველოს კანონმდებლობით გათვალისწინებული უქმე და დასვენების დღეები.
3.საგარანტიო მომსახურება განხორციელდება, თუ სერვის ცენტრი შესაბამისი დასკვნის საფუძველზე დაადასტურებს, რომ ნაკლი, რომელიც ნივთს გამოუვლინდა არის თავდაპირველი და არ არის წარმოშობილია ნივთის სარგებლობის, მათ შორის მომხმარებლის მიერ არასწორი ექსპლუატაციის, შედეგად.
4.თუ მომხმარებელი უარს იტყვის ნივთის სერვის ცენტრში დატოვებაზე სადიაგნოსტიკოდ ან/და მისი შეკეთების მიზნით, მოვაჭრე მოკლებული იქნება შესაძლებლობას განახორციელოს საგარანტიო მომსახურება.

VII.საგარანტიო მომსახურებაზე უარის თქმის წინაპირობები
საგარანტიო მომსახურება არ ვრცელდება/უქმდება ნივთზე ან კომპლექტაციის ნაწილზე შემდეგ შემთხვევებში:
1. გასულია საგარანტიო ვადა;
2. არ არის წარმოდგენილი შესყიდვის დამადასტურებელი დოკუმენტი და სხვაგვარად შეუძლებელია ნივთის იდენტიფიცირება;
3. საგარანტიო ბარათი არ არის წარმოდგენილი / დაკარგულია და სხვაგვარად ვერ ხდება ნივთის იდენტიფიცირება;
4. ნივთზე არ იკითხება / ამძვრალია სერიული ნომერი /იმეი კოდი და შესაბამისად შეუძლებელია საქონლის იდენტიფიცირება;
5. დაზიანება გამოწვეულია პლომბის ან ლუქის მოცილებით;
6. წუნი გამოწვეულია მოწყობილობის მექანიკური დაზიანებით;
7. მოწყობილობა გამოიყენებოდა მისი დანიშნულების შეუსაბამო მიზნით, რამაც გამოიწვია ნივთის დაზიანება;
8. მოწყობილობა დაშლილია (გახსნილია) თვითნებური შეკეთების ან რაიმე სხვა მიზნით, რამაც გამოიწვია ნივთის დაზიანება;
9. დაზიანება გამოწვეულია კომპიუტერული ვირუსის ან შეუსაბამო ფაილების მიერ;
10. დაზიანება გამოწვეულია მექანიზმში უცხო სხეულის ან სითხეების შეღწევით;
11. მოწყობილობა გამოიყენებოდა კომერციული მიზნით;
12. წუნი გამოწვეულია ელ. ქსელის გაუმართაობით;
13. დაზიანება გამოწვეულია ექსპლუატაციის და შენახვის წესების და პირობების დარღვევით;